بنعلن عن تاسيس قسم جديد او فريق فرعي “فريق التطوير المستقل” واللي هتكون مهمتنا فيه هي تنفيذ الاعمال الابداعية المستققلة واللي مش هتكون لصالح اي جهة غير المنفذين للعمل فقط
انا مش هستنى مقابل مادي من العمل ده ولا متوقعله اي مقابل مادي في اي وقت قريب يعني اللي بيدور على الفلوس انا مش هقدر افيده ولكن معتمد على الابداع فقط وهو ده اللي ممكن ينجح اي عمل.
انا مؤمن ان في ناس ممكن تكون زي حلاتي نفسها تعمل حاجة جميله وممكن يكون عندهم وقت يقدرو يشاركو بيه في العمل ده.
وناس كتير طلبت مننا اننا نفتح باب التدريب واظن ده هيكون الوقت المناسب لحاجة زي كده.
لو مؤمن بكلامنا اقرا التفاصيل اللي جاية وقدم معانا
ولو اي حد حابب يدعمنا اويدعم الفكرة باي شكل من الاشكال هكون شاكر ليه جدا
حتى لو مش مش هتقدم او ملكش علاقة بالمجال ساعدنا في النشر عشان نوصل للاشخاص اللي شبهنا
بشكركم من قلبي جدا واسف طبعا لطول البوست خلاص مش هطول عليكم اكتر من كده غير اللي مهتم بالتفاصيل للتقديم يكمل في الجزء اللي جي.
تفاصيل الانضمام :-
الماديات ؟
———–
العمل تطوعي يعني لو بتدور/ي على مقابل مادي قريب للاسف مش هنقدر نفيدك
ولو بتدور على خبرة المشاركة فشئ ممكن يكون مميز فاكيد هنقدر نفيدك باذن الله.
هتستفيد ايه ؟
————–
اي حد هيشتغل في العمل اسمه هيتكتب على العمل ده سواء كان مشاركة فردية او جماعية و هيتكتب اسماء او لوجوهات الفرق المشاركة واذا تحقق اي عائد هيكون بنظام المشاركة (بس انا مش مستنى اي ارباح من العمل في الوقت القريب)
اكتساب وتطوير خبرة العمل في المجال سواء برمجة او تصميم او اي شئ ليه علاقة بمجال تطوير الالعاب.
تطوير السيرة الذاتية للمنضمين وانا من ضمنهم
التطرق بشكل او بآخر لكل اجزاء عملية التطوير
فرصة للمشاركة في بعض الاعمال التجارية الخاصة بالاستوديو (بس ياريت اللي هينضم ميبقاش هينضم للسبب ده فقط – الفريق هدفه الرئيسي هو انتاج عمل مستقل )
مين يقدر ينضم ؟
——————
الانضمام الفردي :
المبرمجين سواء متدرب – جونيور – سنيور (محرك انريل)
مصممين الجرافيك والارت والرسامين
مصممين الموسيقى والمؤثرات الصوتية
مصممين المؤثرات البصرية
الانضمام الجماعي :
يعني لو اي فريق مستقل حابب ينضم معانا باسم الاستوديو الخاص بيهم هيبقى شئ جميل جدا ( لان الهدف هو الابداع قبل اي شئ )
ايه نوع العمل اللي هنشتغل عليه ؟
———————————
العمل هيكون لعبة ثري دي للبي سي مبدئيا role play & action adventure وحجم العمل صغير – طب ليه صغير – عشان نقدر نخلصه وميطولش وده من خبراتنا السابقة في المجال وفنفس الوقت نوع العمل هيسمحلنا انه يكون مستمر وخلال الفترة الصغيرة مش هننشر اي شئ عن العمل لحد ما يخلص عشان نقدر نخلصه الاول وبعدين نبقى نتكلم ونشير الكريديت وباقي التفاصيل في مقابلات الانضمام باذن الله
مكان العمل ؟
————-
عمل حر تقدر تشتغل من اي مكان تحبه وفي اي وقت تحبه بس هيكون في تنسيق الاول بحيث هنبقى محددين اوقات معينة للتواصل والتنسيق والمتابعة
تمويل العمل؟
————–
مش مطلوب من اي فرد انه يدفع اي مصاريف على العمل ولو حبينا نشتري اي اسيتس او ادوات هيكون الاستوديو هو المتكفل بيها.
طريقة التقديم ؟
—————
التقديم عن طريق الايميل على
[email protected]
واكتب في عنوان الايميل التخصص اللي شايف نفسك تقدر تفيدنا بيه في الفريق
لو حابب تتواصل او تستعلم عن اي حاجة بشكل مباشر؟
ابعتلنا على رسايل الصفحة او كلمنا على رقم 01110487096
To apply for this job email your details to im_indie@angamesstudio.com